Erməni jurnalist və bloger Roman Baqdasaryan Ermənistanda “Qarabağ klanı”nın hakimiyyətinin pərdəarxası təfərrüatlarını açıqlayıb.
KONKRET.az xəbər verir ki, bu barədə Roman Bağdasaryan öz sosial şəbəkə hesabında yazıb.
“Fakt budur ki, 1988-ci ildən 2020-ci ilə kimi biz hamımız Qarabağ mafiyasının və Vazgen Sarkisyanı, Karen Dəmirçiyanı, yüzlərlə məmuru, iş adamını öldürən klanın girovuna çevrilmişik.
1988-ci ildən mütəşəkkil cinayətkarlığın girovuna, Qarabağın şikəst gənclərinin şahidinə çevrilmişik: heç kim tarix öyrətmir, durmadan bir-birini öldürür, büdcə pullarını oğurlayır, hamını söyürlər.
Orduda bir çox oğlanları narkomana çevirən, onları buna alışdıran “Qarabağ klanı” idi.
Xalq 34 ildir ki, Qarabağ mafiyasından yaxşı heç nə görməyib: yalnız dərd və satanizm.
Bu lənətdir və Qarabağ mafiyası heç vaxt bizim xoşbəxt olmağımıza imkan verməyəcək”, – deyə bloger yazıb.
Xuraman Etibarlı,
KONKRET.az