Məşhur amerikalı alim, ABŞ-ın Harvard Universitetinin professoru Brenda Şaffer İranın Azərbaycan ərazilərini işğal edən Ermənistana dəstək verməsini tənqid edib.

KONKRET.az Teleqraf.com-a istinadən xəbər verir ki, o, bu barədə Tvitter səhifəsində yazıb.

“İranın xarici siyasəti həqiqətən də islam həmrəyliyi prinsipinə əsaslanırsa, Tehran 800 min müsəlmanı evlərindən didərgin salan Ermənistanla necə dost münasibəti qura bilər? Bu hadisələr yüz və ya min il əvvəl deyil, 30 il əvvəl baş verib”, – Şaffer qeyd edib.

Xatırladaq ki, Qarabağ müharibəsi zamanı İran Ermənistana kömək edən başlıca ölkələrdən olub. Hazırda da Ermənistanın ən böyük iqtisadi tərəfdaşlarından biri İrandır. Tehran İrəvan üçün “nəfəs yolu” hesab edilir.