Vaşinqton İranın Çinə neft ixracından narahatdır və tədarükün dayandırılması üçün Pekinə təzyiqi artıracaq.
KONKRET.az xəbər verir ki, bunu ABŞ-ın İran üzrə xüsusi nümayəndəsi Robert Malli “Bloomberg” agentliyinə müsahibəsində deyib.
“ABŞ İranın neft ixracını dayandırmaq və digər ölkələri idxaldan çəkindirmək üçün lazımi addımları atacaq. Biz İrana qarşı sanksiyalarımızı, o cümlədən neft ticarətinə qoyulan məhdudiyyətləri yumşaltmamışıq. ABŞ Çinə fokuslanıb və bu, tamamilə düzgün qərardır”, – o deyib.
Qeyd edək ki, 2018-ci ildə ABŞ nüvə sazişindən çıxdıqdan sonra Vaşinqton Tehrana qarşı ən geniş sanksiyaları tətbiq edib.
Nəşrin məlumatına görə, məhdudiyyətlərə baxmayaraq, İran neftinin tədarükü son aylarda artıb.
İqbal Rzayev,
KONKRET.az