ABŞ Cənubi Koreyanı qorumaq üçün adi və nüvə silahlarından istifadə etməyə hazırdır.

KONKRET.az xəbər verir ki, bunu ABŞ-ın müdafiə naziri Lloyd Ostin bildirib.

“Koreya Respublikasının müdafiəsi ilə bağlı öhdəliyimiz sarsılmaz olaraq qalır. Biz adi və nüvə silahları, eləcə də raketdən müdafiə imkanları daxil olmaqla, ABŞ-ın bütün hərbi imkanlarından istifadəni nəzərdə tutan öhdəliyə qətiyyətlə sadiqik”, – Lloyd deyib.

Bundan əlavə, Ostin Cənubi Koreyanın milli müdafiə naziri Li Conq Sop ilə birgə mətbuat konfransında ABŞ-ın respublikanı qorumaq öhdəliyini bir daha təsdiqləyib.

O bildirib ki, KXDR 2022-ci ildə görünməmiş sayda təxribat törədib.

Qeyd edək ki, ABŞ və Cənubi Koreya nümayəndələri təlimlərin əhatə dairəsini genişləndirmək barədə də razılığa gəliblər.

İqbal Rzayev,

KONKRET.az