ABŞ Senatı ölkənin federal hökumətinin işini İsrail və Ukraynaya yardım etmədən maliyyələşdirməyə davam etmək planını təsdiq edib.

KONKRET.az xəbər verir ki, müvafiq plan noyabrın 14-də Nümayəndələr Palatası tərəfindən təsdiqlənib.

Qanun layihəsini ABŞ prezidenti Co Bayden imzalamalıdır.

Bildirilir ki, 2024-cü il yanvarın 19-dək bir sıra dövlət proqramları və idarələrinə, o cümlədən kənd təsərrüfatı, energetika, hərbi tikinti, nəqliyyat və mənzil təsərrüfatı ilə məşğul olanlara pul ayrılması davam edəcək.

Eyni zamanda, digər şöbə və proqramların işinin maliyyələşdirilməsinin gələn il fevralın 2-dək uzadılması təklif edilir. Sənəddə Ukrayna və İsrailə vəsait ayrılması nəzərdə tutulmayıb.

Qeyd edək ki, bir gün əvvəl Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi ABŞ-dan böyük yardımın olmamasının Ukraynanın müdafiə qabiliyyətinə təsir edəcəyini bildirmişdi.

Ariz Həsənoğlu,

KONKRET.az