“Real Madrid”də çıxış edən Türkiyənin milli futbolçusu Arda Gülərin İngiltərə Premyer Liqası təmsilçisi “Arsenal”ın maraq dairəsinə düşdüyü bildirilib.

KONKRET.az xəbər verir ki, İngiltərə mətbuatı, o cümlədən Daily Mail, Arsenalın 19 yaşlı ulduz futbolçunu transfer siyahısına daxil etdiyini açıqlayıb.

Bukayo Sakanın zədələnməsindən sonra hücum xəttini gücləndirməyi planlaşdıran “Arsenal” eyni zamanda yarımmüdafiədə Tomas Partey və Jorginyonun vəziyyətinə görə də oyunçu axtarışındadır. Bu kontekstdə Arda Gülərin adı ön planda çəkilir.

Qeyd edək ki, cari mövsümdə “Real Madrid”in heyətində 20 matça çıxan Arda Güler 1 qol vurub və 3 məhsuldar ötürmə edib. Onun gənc yaşında göstərdiyi performans diqqət mərkəzindədir və “Arsenal”ın heyətini gücləndirmək üçün ideal seçim kimi dəyərləndirilir./milliaz