“Rəsmi dedi ki, sizin baş nazir Qarabağın Azərbaycanın bir hissəsi olması ilə razılaşıb”.

KONKRET.az xəbər verir ki, bu barədə Ermənistanın müxalifətdə olan Respublika partiyasının vitse-prezidenti  Armen Aşotyan Facebook-da canlı yayımda məlumat verib.

“Şərəfim var” fraksiyasının lideri Ayk Mamicanyan mətbuat konfransı zamanı mənim məlumatımı faktiki olaraq təsdiqlədi. Yüksək rütbəli bir avropalı məmur deputatların yanında deyib ki, niyə razı deyilsiz, baş naziriniz çoxdan razılaşıb axı. Qarabağ Azərbaycanın bir hissəsi olmalıdır və o, bu ifadələr üzərində danışıqlar aparır.

Bəli, Ayk iki fərqli mənbədən gələn və iki fərqli hadisəyə şahidlik edən məlumatımı təsdiqlədi”,- deyə Aşotyan bildirib.

Xuraman Etibarlı,

KONKRET.az