“Azərbaycan Dəmir Yolları” (ADY) QSC-nin sərnişin qatarlarında keytrinq xidmətləri (qida və içki təminatı) göstərən şirkətin – “Private Facility Management” (PFM) MMC-nin dövlətə borcu yaranıb.
KONKRET.az pravdaaz-a istinadən xəbər verir ki, MMC-nin 183 308 AZN vergi borcu var.
Şirkətin qanuni təmsilçisi Cavid Elşad oğlu İsgəndərovdur.
“Private Facility Management” ADY-dən əlavə, “Aztelekom” MMC-yə, “Azercell” MMC-yə, “Bakubus” MMC-yə, Sumqayıt Texnologiyalar Parkına və başqa qurumlara xidmət göstərir. Dövlət şirkətlərinə göstərilən xidmətlərlə əlaqədar tenderlərin keçirilib-keçirilməməsi ilə bağlı isə məlumatlar yoxdur.