“Əsas məsələ Ermənistan silahlı birləşmələrinin Dağlıq Qarabağdan tamamilə çıxarılmasıdır. Onların Azərbaycan ərazilərindən çıxarılması sabitliyin əsas amilidir və bu proses başa çatmalıdır. Erməni hərbçilərinin Laçın dəhlizi ilə Azərbaycana girə bilməməsini təmin etmək də vacibdir. Gündəliyin ikinci maddəsi sərhədlərin müəyyənləşdirilməsinə uyğun olaraq Sovet İttifaqı dövründə Ermənistan SSR və Azərbaycan SSR arasında mövcud olan sərhədlərdir”.

KONKRET.az xəbər verir ki, bu fikirləri Rusiya, Azərbaycan və Ermənistan liderlərinin zirvə görüşünü şərh edərkən “Milli Müdafiə” jurnalının baş redaktoru İqor Korotçenko söyləyib.

Onun fikrincə, “görüşdə toxunulacaq üçüncü məqam azərbaycanlı qaçqınların və məcburi köçkünlərin öz evlərinə normal qayıtmasını təmin etməkdir. Həqiqətən qondarma “DQR” təmsilçilərinin fəaliyyətlərinin, hər yerdə öz simvollarını yaratmaq və inzibati nəzarəti təsvir etmək cəhdləri anlaşmanın tələblərinə ziddir. Azərbaycan ərazisində yalnız Azərbaycan qanunları keçərlidir. Rusiya sülhməramlılarının – sülhü təmin etmək və humanitar əməliyyatı davam etdirmək missiyasını bir daha təsdiqləmək lazım olacaq. Məncə, bu məqamlar üç ölkənin liderlərinin bu gün keçiriləcək sammit üçün əsas müzakirə mövzusu olacaq”.

“Ümumiyyətlə, görüşdən pozitiv, məsuliyyətli və praktik nəticələr gözləyirəm. Ən əsası həqiqətlərin təsdiqlənməsidir: Azərbaycan öz ərazi bütövlüyünü təmin etdi. Heç bir ikinci erməni dövləti Azərbaycan ərazisində yaradıla bilməz. Qarabağ erməniləri Azərbaycanın tam hüquqlu vətəndaşı olmalıdır. Bu, nizamlanmaya son qoyacaq”, – deyə ekspert fikrini yekunlaşdırıb.

KONKRET.az