Ermənistanın paytaxtı İrəvanda səfərdə olan Milli Məclisin İqtisadi siyasət, sənaye və sahibkarlıq komitəsinin sədri Tahir Mirkişili sosial media hesabında paylaşım edib.
KONKRET.az xəbər verir ki, deputat Böyük Vətən müharibəsinə həsr olunmuş “Qələbə Parkı”nı ziyarət etdiyini deyib.
“Tank köhnə olsa da, çox etibarlı texnikadır. (İrəvanda 1941-1945 parkı)”,- deyə komitə sədri bildirib.
Qeyd edək ki, fevralın 22-də İrəvanda AVRONEST PA-nın komitə iclasları keçirilib. Tədbirdə Milli Məclisin deputatları, AVRONEST PA-da Azərbaycan nümayəndə heyətinin üzvləri Tahir Mirkişili və Soltan Məmmədov iştirak ediblər.
