Bakı-SDK (Bakı-Quba-Rusiya yeni avtomobil yolu) yolunda avtomobil aşıb, sürücü xəsarət alıb.

KONKRET.az Report-a istinadən xəbər verir ki, 1971-ci il təvəllüdlü Xəqani Nəsib oğlu Həmidovun idarə etdiyi minik avtomobili yol kənarındakı maneəyə çırpılaraq aşıb.

Yaralı təcili tibbi yardımın köməkliyilə xəstəxanaya çatdırılıb.

Müayinə zamanı ona kəllə-beyin travması və bədənin müştərək travması diaqnozu qoyulub.