İcbari tibbi sığorta sisteminin tətbiq edildiyi bölgələrdəki xəstəxanaların təchiz edildiyi dərman vasitələrinin çeşid sayı artırılacaq.

KONKRET.az xəbər verir ki, bunu İcbari Tibbi Sığorta üzrə Dövlət Agentliyinin sədri Zaur Əliyev 2020-ci ilin yekunları ilə bağlı keçirdiyi mətbuat konfransında deyib.

Onun sözlərinə görə, ötən il dərman vasitələrinin çeşid sayı 2019-cu illə müqayisədə artırılıb. 2020-ci ildə xəstəxanaların təchiz edildiyi dərman vasitələrinin sayı 126-dan 334-ə yüksəlib.