Portuqaliya millisinin və “Əl-Nəsr” klubunun ulduzu Kriştiano Ronaldo məğlubiyyətlərə necə reaksiya verdiyindən danışıb.

KONKRET.az bu barədə “Marca” nəşrinə istinadən xəbər verir.

“Mən uşaqlıqdan məğlubiyyətlərə qarşı həssas olmuşam. Uduzmaqdan zəhləm getdiyi üçün ağlayırdım. Qonşularım buna görə məni ağlağan adlandırır, ələ salırdılar. Meydanda həmişəki işini gördüyün halda uduzmaq xoş deyil. Mən ideal deyiləm. Uduzanda əsəbimdən ağlayırdım. Amma yavaş-yavaş buna öyrəşdim və daha yaxşı oldum”.

Qeyd edək ki, Ronaldonun “Əl-Nəsr” ilə müqaviləsi bu ilin yayına qədər nəzərdə tutulub.