Cənubi Koreya 30-a yaxın qırıcı təyyarəsini havaya qaldırıb.

KONKRET.az xarici mediaya istinadən xəbər verir ki, bu, Şimali Koreyanın 12 təyyarəsinin iştirak etdiyi hava təlimlərinə cavab addımı olub.

Yerli vaxtla saat 14 radələrində Şimali Koreyaya məxsus 12 təyyarə, o cümlədən səkkiz qırıcı və dörd bombardmançı təyyarə nizamlı şəkildə iki ölkə arasında sərhədin şimalına doğru uçub. Buna cavab olaraq Cənubi Koreya “F-15K” təyyarələri də daxil olmaqla 30-a yaxın qırıcı təyyarəni havaya qaldırıb.

Məlumata görə, Şimali Koreya ordusu yerüstü hədəfləri vurmaq üçün təlimlər keçirib.//Oxu.az