Rusiyanın Sverdlovsk vilayətinin Sosva kəndi yanğın nəticəsində demək olar ki, tamamilə məhv olub.

KONKRET.az xəbər verir ki, kənddə 100-ə yaxın ev külə dönüb.

Sosva şəhər dairəsinin rəhbəri Gennadi Makarov bildirib ki, yaşayış məntəqəsinin əsas hissəsi alışıb. Xüsusən də məktəb və mərkəzi küçələr alova qərq olub.

O əlavə edib ki, sabah səhər yerli sakinlərlə görüş keçirəcək.

Qeyd edək ki, yanğın günorta saatlarında yerli mişar zavodunda başlayıb, lakin alov sürətlə qonşu tikililərə də keçib.

Günel Mikayılova,

KONKRET.az