Ermənistana qayıdan hərbi əsirlərin dindirilməsi gərgin şəraitdə keçib, onlardan ikisi saxlanılıb.

KONKRET.az xəbər verir ki,“Joqovurd” qəzeti dünən Ermənistana qayıdan 8 erməni əsirin dindirilməsinin kifayət qədər gərgin və çətin şəraitdə keçdiyini yazıb.

“Fakt budur ki, müstəntiqlər cinayət işinin açılması zərurətindən çıxış edərək onları dindirərkən əsirlərin qəzəbli qohumları hay-küy salaraq, hərbi istintaq idarəsinin binasının şüşələrini sındırmağa cəhd ediblər. Valideynlər bir şeyi tələb ediblər – hüquq-mühafizə orqanlarının əməkdaşları oğullarını tez bir zamanda azad etsinlər”, – qəzet yazıb.

Dindirmə saat 15:00-da başlayıb və təxminən 7- 8 saat davam edib.

Hərbi İstintaq İdarəsində səkkiz əsirin dindirilməsi axşam saatlarında başa çatıb. 8 əsirdən 6-sı istintaq orqanı tərəfindən azad edilib, evlərinə qayıdıblar. Onlardan ikisi hərbi polisə təhvil verilib”, -deyə qəzet yazır.

Xuraman Etibarlı,

KONKRET.az