“Son günlər Ermənistanın Azərbaycana hücumu nəticəsində 14 bölgədə 420 məktəb öz fəaliyyətini bu və ya digər formada müvəqqəti məhdudlaşdırıb və ya dayandırıb”.

KONKRET.az-ın məlumatına görə, bunu Təhsil naziri Emin Əmrullayev bu gün keçirdiyi mətbuat konfransında deyib.

Nazir bildirib ki, erməni hücumu nəticəsində 2 şagird həlak olub:

“Düşmənin mülki ərazilərə artilleriya atəşi nəticəsində mülki ərazilərdə doqquz məktəb bu və ya digər formada zərə görüb.

Düşmənin mülki ərazilərə hücumu nəticəsində iki məktəbli həlak olub, bir müəllim yaralanıb”.