Ermənistanda 30 avtomobil toqquşub.
KONKRET.az-ın erməni mətbuatına istinadən verdiyi məlumata görə, hadisə bu gün saat 11.50 radələrində Kotayk vilayətində baş verib.
Kotayk rayonunda, İrəvandan Sevan gölünə gedən magistral yolda zəncirvari qəzada 30-dan çox avtomobil toqquşub. İlkin məlumatlara görə, ölən yoxdur və qəzaya səbəb yolun buz bağlamasıdır.
Hadisə yerində təcili tibbi yardım, polis və Fövqəladə Hallar Nazirliyinin əməkdaşları işləyir.
Xuraman Etibarlı,
KONKRET.az