Gənclər və idman naziri Fərid Qayıbov yenidən Avropa Gimnastika İttifaqının prezidenti seçilib.
KONKRET.az xəbər verir ki, bu barədə Azərbaycan Gimnastika Federasiyası məlumat yayıb.
F.Qayıbov Çexiyada keçirilən Avropa Gimnastika İttifaqının Konqresində səs çoxluğu ilə yenidən qurumun prezidenti seçilib.
Qeyd edək ki, Fərid Qayıbov ilk dəfə 2017-ci ildə sözügedən təşkilata prezident seçilib və 2018-ci ildə bu vəzifəni icra etməyə başlayıb.