Yubiley konsertlərindən sonra Rusiyanın Xalq artisti Filipp Kirkorova cinayət işi açıla bilər.

KONKRET.az xəbər verir ki, “Tsarqrad” cəmiyyətinin insan haqları mərkəzi müğənninin cəzalandırılması tələbi ilə prokurorluğa müraciət edib.

Buna səbəb isə, sənətçinin konsertində yer alan böyük xaç dekorunun üstünə çıxaraq, şou göstərməsi olub. Bu hadisə isə rusların əsas dini bayramlarından sayılan “Pasxa” həftəsində baş verib.

Dindarlar burada öz hisslərinin pis niyyətlə təhqir olunduğundan şübhələnir, Filipə və “55” şousunun təşkilatçılarına qarşı cinayət işi açılmasını xahiş edirlər.

Başı qalmaqallardan və söz-söhbətlərdən açılmayan Filipp Kirkorov hadisə ilə bağlı rəsmi açıqlama verməyib.