Abxaziya silahlı qüvvələri yüksək döyüş hazırlığı vəziyyətinə gətirilib.

KONKRET.az xəbər verir ki, bu barədə tanınmamış ölkənin müdafiə naziri Vladimir Anua bildirib.

Onun sözlərinə görə, bu qərara səbəb NATO-nun Gürcüstanda keçirdiyi təlimlərdir.

“Bu, Tbilisinin döyüşkən ritorikasından və Şimali Atlantika Alyansına qoşulmaq kursundan əl çəkmədiyini göstərir. Bundan əlavə, regionda hərbi-siyasi vəziyyət artıq gərgindir. Vəziyyətin gərginləşəcəyi təqdirdə silahlı qüvvələr dövlətin suverenliyini qorumaq vəzifəsini yerinə yetirməyə hazırdır”, – deyə Anua bildirib.

XuramanEtibarlı,

KONKRET.az