“Ermənistan hakimiyyətinin yürütdüyü siyasət heç bir məntiqə sığmayan müəmmadır”.
KONKRET.az xəbər verir ki, bu sözləri erməni separatçı Karen Mirzoyan deyib.
Onun sözlərinə görə, Ermənistan dünyada və regionda baş verən sürətli və tez-tez gözlənilməz dəyişiklikləri nəzərə almır. Hakimiyyət öz xarici və təhlükəsizlik siyasətinin gündəliyinə kəskin korrektələr etməyib. “Hakimiyyət yalnız sülh dövrü və perspektivləri çox qeyri-müəyyən olan “Dünyanın kəsişməsi” layihəsi haqqında danışmağa davam edir. Müəyyən bir layihəni tanıtmaq üçün, xüsusən də söhbət rabitədən gedirsə, 3-4 səhifəlik broşüranın yayılması kifayət deyil, bu kommunikasiyaların qurulmasına başlamaq üçün konkret addımlar tələb olunur. Belə bir şey baş vermir, işlər danışıqlardan o yana getmir və bu hökumətin dövründə yol tikintisi işlərinin sürətini nəzərə alsaq, perspektivlər daha da qeyri-müəyyənləşir”, – Mirzoyan bildirib.
Dumanlı “Dünyanın kəsişməsi” fonunda Sünikdən (Qərbi Zəngəzur) dəhlizin təmin edilməsi ilə bağlı söhbətlər daha fəal şəkildə irəliləyir və Ermənistan tərəfindən fərqli olaraq, Azərbaycan öz ərazisində lazımi kommunikasiyaların tikintisi üzrə işləri artıq həyata keçirib. Beləliklə, Ermənistan “Dünyanın kəsişməsi”ndən danışarkən, Bakı Ermənistanın iştirakı və nəzarəti olmadan bu layihənin elementlərindən birini həyata keçirmək niyyətindədir.
Ermənistanın maraqları tamamilə nəzərə alınmır. Biz Azərbaycanın, Türkiyənin, Rusiyanın, ABŞ-ın, İranın maraqlarının nə olduğunu bilirik, lakin heç kim Ermənistanın maraqlarından danışmır, baxmayaraq ki, kommunikasiya xətləri Ermənistanın suveren ərazisindən keçir. Əslində İrəvanın səsi ən yüksək səslə eşidilməli idi”.
Natiq Səlim,
KONKRET.az