Kraliça II Elizabetin Avstraliyada yazdığı və 2085-ci ildə açılmasını istədiyi bir məktubu olduğu məlum olub.
KONKRET.az xarici mediaya istinadən xəbər verir ki, Kraliçanın 1986-cı ildə Avstraliyanın Sidney şəhərində yazdığı məktub ölümündən sonra gündəm olub.
Bildirilir ki, II Elizabetin Sidneydəki Kraliça Viktoriya binasının bərpasını qeyd etmək üçün yazdığı məktub 2085-ci ilə qədər açılmayacaq.
O, məktubu Sidney merinə göndərib.
“Sidneyin ədalətli və möhtərəm merinə” xitabı ilə başlayan məxfi məktubda “2085-ci ildə sizin tərəfinizdən seçiləcək uyğun bir gündə xahiş edirəm bu zərfi açıb mesajımı Sidney vətəndaşlarına çatdırasınız” sözləri yazılıb.
Qeyd edək ki, Kraliça II Elizabet 70 il taxtda oturduqdan sonra 96 yaşında Balmoral qəsrində vəfat edib.
İqbal Rzayev,
KONKRET.az