İnzibati Xətalar Məcəlləsinə dəyişiklik edilir.
KONKRET.az xəbər verir ki, dəyişikliyə əsasən, məcəlləyə yeni 275.4 və 275.5-ci maddələr əlavə olunur.
Dəyişikliklə qalınlığı 15 mikrona qədər olan polietilen torbaların, habelə birdəfəlik istifadə üçün nəzərdə tutulan plastik qarışdırıcı çubuq, çəngəl, bıçaq, boşqab və stəkanların sahibkarlar tərəfindən idxalı, istehsalı, ticarət, ictimai iaşə və xidmət obyektlərində istehlakçıya satılması və verilməsinə görə inzibati xətanın bilavasitə obyekti olan plastik materiallar müsadirə edilməklə vəzifəli şəxslər 1000 manatdan 1500 manatadək, hüquqi şəxslər isə 3000 manatdan 4000 manatadək cərimə ediləcək.
Bundan əlavə, İnzibati Xətalar Məcəlləsinin 275.4-cü maddəsində nəzərdə tutulmuş xətaların inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən 1 il ərzində təkrar törədilməsinə görə inzibati xətanın bilavasitə obyekti olan plastik materiallar müsadirə edilməklə vəzifəli şəxslər 1500 manatdan 2000 manatadək, hüquqi şəxslər isə 4000 manatdan 5000 manatadək cərimə ediləcək.
Qanun layihəsinin polietilen torbalara münasibətdə 2021-ci il yanvarın 1-dən, digər birdəfəlik istifadə üçün nəzərdə tutulan məhsullara münasibətdə isə 2021-ci il iyulun 1-dən qüvvəyə minməsi təklif edilib.
Xeber
Bu əla təklifdir,həm insanların saglamlığı üçün,həm təbiət üçün və.s.insanlara,təbiətə az vəya heç zərəri olmayan alış-veriş üçün nəzərdə tutulan torbaların qiymətləri ucuzlasdirilmalidir,nəzərə alsaq ki,gün ərzində minimum 2,3dəfə ayrı ayrı vaxtlarda alisveris edirsə və hər torbanın qiyməti 0.70qəpik təşkil etdiyi halda gün ərzində 1.40azn ya daha artıq olacaq buda heçkimə əl verməz.deyilə bilərki,hərdəfə mağazaya gedəndə özünüzlə paket götürün məlum məsələdir ki,bu mümkün deyil yəqinki,açıqlamaya ehtiyac yoxdur.elə hal baş verəcəksə istifadəsinə icazə veriləcək torbaların qiyməti maksimum ölçüsünə görə 0.10 maksimum 0.30qəpik olsa təşəkkür edərik.