İranda Evin həbsxanasında ölənlərin sayı açıqlanıb.

KONKRET.az xəbər verir ki, bu barədə İranın dövlət mediasına istinadən AFP məlumat yayıb.

Bildirilib ki, baş verən yanğında 4 məhbus tüstüdən zəhərlənərək dünyasını dəyişib.

Hadisə nəticəsində 61 nəfər xəsarət alıb, onlardan 51-i xəstəxanalara yerləşdirilib.

Qeyd edək ki, dünən axşam İranın paytaxtı Tehranda yerləşən Evin həbsxanasında yanğın olub.