Türkiyənin “Yeni Şafak” qəzeti “1.500 dron üçün razılığa gəliblər: İranın PKK-ya sevgisi bitmir” başlıqlı məqaləsində yazıb ki, İran və kürd hərbi-siyasi təşkilatı (PKK) Türkiyə hərbi hədəflərinə qarşı istifadə üçün 1500 kamikadze pilotsuz uçan aparat tədarükü ilə bağlı müqavilə imzalayıb.

KONKRET.az xəbər verir ki, razılaşmanın ötən bazar günü İraqda keçirilən gizli toplantıda əldə edildiyi və PKK-nın əvvəlcə 2 min pilotsuz təyyarə tələb etdiyi bildirilir.

Dronların çatdırılması Türkiyənin sərhəd bölgəsində pozulub. Buna cavab olaraq PKK silahları gizlətmək və Türkiyə hökuməti tərəfindən təqib olunmamaq üçün Suriyaya tədricən silah çatdırmaq strategiyası hazırlayıb.

KONKRET.az