Naxçıvan Muxtar Respublikasının Kəngərli rayonunda baş verən avtoqəzada ölənlərin sayı ikiyə çatıb.

KONKRET.az report-a istinadən xəbər verir ki, bu gün qəza zamanı xəsarət alanlardan biri – 1981-ci il təvəllüdlü Seyidova Rüqəyyə Bağır qızı müalicə aldığı Naxçıvan Muxtar Respublika Xəstəxanasında vəfat edib.

Hadisə nəticəsində 1998-ci il təvəllüdlü Gülşən Məmmədbağır qızı Məmmədova, 2009-cu il təvəllüdlü Aytac Əli qızı Seyidova, 1959-cu il təvəllüdlü Telli Alı qızı Quluzadə və 2023-cü il təvəllüdlü Araz Pərviz oğlu Məmmədov müxtəlif dərəcəli bədən xəsarətləri alıblar.

Qeyd edək ki, bəhs olunan qəza iyulun 19-da Naxçıvan–Sədərək magistral avtomobil yolunun 22-ci kilometrliyində, Yeni Kərki kəndi ərazisindən keçən hissədə qeydə alınıb.

“Hyundai” markalı avtomobil idarəetmədən çıxaraq aşıb. Nəticədə avtomobildə olan 2010-cu il təvəllüdlü Mirməhərrəm Afət oğlu Seyidov hadisə yerində həyatını itirib.