İngiltərənin paytaxtı Londonda qaz partlayışı nəticəsində uçan binada bir uşaq ölüb, 3 nəfər isə ağır yaralanıb.

KONKRET.az xəbər verir ki, yerli vaxtla saat 07:00 radələrində baş verən partlayış ətrafdakı binalara da ziyan vurub, ehtiyat tədbiri olaraq 40-a yaxın bina boşaldılıb. Böyükşəhər polis qrupları hadisə yerini təxminən 50 metr mühasirəyə alıb. Əraziyə 6 yanğınsöndürən maşını və 40 yanğınsöndürən göndərilib.

Hazırda yanğınsöndürmə qrupları axtarış aparır və hadisə yerində təhlükəsizliyi təmin etməyə çalışır.