Rusiya Xarici İşlər Nazirliyinin xarici diplomatların və vətəndaşların Kiyevdən təxliyə edilməsi ilə bağlı tövsiyəsi hələ də aktualdır.

KONKRET.az xəbər verir ki, bu barədə Rusiya XİN-in rəsmi nümayəndəsi Maria Zaxarova Şərq İqtisadi Forumu çərçivəsində keçirilən brifinqdə bildirib.

Diplomat xatırladıb ki, Moskva müvafiq xəbərdarlığı hələ 2026-cı ilin may ayında etmişdi. Onun sözlərinə görə, həmin tövsiyə Rusiya qoşunlarının Ukraynanın hərbi infrastruktur obyektlərinə sistemli zərbələr endirməyə başlaması ilə əlaqədar verilib:

“Nəinki itmir, əksinə, aktuallığını qoruyub saxlayır — Rusiya Xarici İşlər Nazirliyinin hələ cari ilin may ayında bütün diplomatik korpusa və Kiyevdəki xarici vətəndaşlara təxliyə olunmaqla bağlı tövsiyəsi qüvvədədir”.

Məlumat üçün bildirək ki, Şərq İqtisadi Forumu sentyabrın 1-dən 4-dək Uzaq Şərq Federal Universitetinin kampusunda (Vladivostok) keçirilir.

Xatırladaq ki, bundan əvvəl Rusiya tərəfinin xəbərdarlığından sonra Avropa İttifaqı diplomatlarını Kiyevdən təxliyə etməkdən imtina etmişdi. Avropa Komissiyasının nümayəndəsi Aİ-nin

Ukrayna paytaxtındakı nümayəndəliyinin fəaliyyət formatını dəyişmək niyyətində olmadığını bildirmişdi. Moskva isə öz növbəsində bu tövsiyənin məhz xarici diplomatların təhlükəsizliyinin təmin edilməsi məqsədilə verildiyini vurğulamışdı.

Natiq Səlim,
KONKRET.az