Rusiya Federal Təhlükəsizlik Xidməti (FTX) Daxili İşlər Nazirliyi ilə birgə Moskva sakinini Ukrayna Silahlı Qüvvələrinə maliyyə yardımı etdiyinə görə saxlayıb.

KONKRET.az TASS-a istinadən xəbər verir ki, bu barədə Rusiya FTX-nin İctimaiyyətlə Əlaqələr Mərkəzi məlumat yayıb.

“Rusiya Federasiyasının təhlükəsizliyinə qarşı yönəlmiş fəaliyyətdə Ukrayna Silahlı Qüvvələrinə maddi yardım göstərən Moskva sakininin qanunsuz fəaliyyətinin qarşısı alınıb”, – məlumatda deyilir.

Qeyd olunub ki, şübhəli şəxs Rusiyanı tərk etmək istəyərkən Moskvada saxlanılıb.

Moskvanın Lefortovo Məhkəməsi onu iki ay müddətinə həbs edib.

İqbal Rzayev,

KONKRET.az