Hicri təqviminə əsasən, bu gün Şaban ayı başlayır. Bu ay İslam təqvimində səfərdən sonra gələn səkkizinci aydır və Ramazan ayından əvvəlki sonuncu aydır. Bu ay müsəlmanlar üçün xüsusi əhəmiyyət daşıyır, çünki Ramazana hazırlıq dövrü kimi qəbul edilir.

KONKRET.az bu barədə bir sıra nüansları araşdırıb:

Şaban ayı bir sıra məqamlara görə əhəmiyyətli dövr hesab edilir. Belə ki, Şaban peyğəmbərimizin (s.ə.s) sevdiyi ay olduğu üçün bu müddət ərzində  xüsusi ibadətlərə və oruca üstünlük vermişdir. Hədislərdə bildirilir ki, o, Şaban ayında Ramazandan başqa digər aylara nisbətən daha çox oruc tutardı.

Şaban ayının 15-ci gecəsi (Bəraət gecəsi) İslamda mühüm gecələrdən biridir. Bu gecə duaların qəbul olunduğuna və insanların talehlərinin yazıldığına inanılır.

Ramazan üçün hazırlıq – Bu ayda müsəlmanlar mənəvi hazırlıq görür, ibadətlərini artırır və günahlarından tövbə edirlər.

Şaban ayında bir sıra ibadətlər yerinə yetirilir.

Oruc tutmaq – Peyğəmbərimiz (s.ə.s) bu ayda oruc tutmağı tövsiyə etmişdir.

Dua və tövbə – Bəraət gecəsində edilən duaların xüsusi önəmi olduğu bildirilir.

Qurani-Kərim oxumaq – Ramazan ayına daha hazırlıqlı olmaq üçün müsəlmanlar bu ayda daha çox Quran oxumağa çalışırlar.

Sədəqə vermək və yaxşı əməllər etmək – Şaban ayında ehtiyacı olanlara kömək etmək tövsiyə olunur./yenisabah