Qarşıdan gələn sərt qış əhalinin qayğılarını da artırır. Mənzillərin qızdırılması, elektrik enerjisi və mavi yanacağa olan tələbat bu qayğıları bir qədər də çoxaldır. Dağ rayonlarında isə vəziyyət daha ciddidir. Kəndlərə qaz xətləri çəkilsə də mavi yanacaqdan istifadə problemə çevrilib. Onlar qazdan istifadəni az qala yaddan çıxardıblar. Buna səbəb həyat səviyyəsi onsuz da aşağı olan əhalinin limitə görə ödəniş edə bilməməsidir. Bir balaca otağı qızdırmaq üçün ayda 250-300 manat ödəməyə məcbur olan vətəndaş mavi yanacağı birdəfəlik unudur və həyət-bacadıkı odun qırıqlarını yandırmağa məcbur olur. Limitin yaratdığı çətinlik hər bir vətəndaşı narahat edir və əhali arasında ciddi narazılığa səbəb olur.
Məsələylə bağlı KONKRET.az-a danışan iqtisadçı ekspert Natiq Cəfərli də Azərbaycanda elektrik və qaza tətbiq edilən limiti yanlış yanaşma hesab edir:
“O zaman Nazirlər Kabineti qərar verərkən demişdi ki, biz israfçılığın qarşısını almaq üçün bu addımı atırıq. Amma tamamilə yanlış bir yanaşmadır. Bu gün Azərbaycanda heç kim israfçılıq etmir. əksinə, lazım olan qədər qaz və elektrik enerjisi istifadə edir. Ona görə də bu yanaşma düzgün deyil və elektrikə və qaza tətbiq edilən limitlər ləğv edilməlidir”.
Vəli Həsənoğlu,
KONKRET.az
Hələ Sovet dönəmindən və bu günkü gündə bəyənmədiyimiz Türkmənistanda əhaliyə verilən Qaz, Su, işıq pulsuzdur. Evlərdə sayğaclar var. Sadə və ə ildə 1 dəfə bu əmin sahənin əməkdaşları gəlib evlərdəki sagacdaki göstəriciləri yazıb öz hesabatlarını aparırlar. Bundan başqa, Türkmənistanda avtomobillərdə müəyyən aylıq limit avtomobil yanacağı da pulsuz verilir. Bəs bizdə nə üçün spiçka belə pulla satılır. Bizim ölkənin nəyi Turkmənistandan əskikdir?. Yazdım ki məlumatınız olsun