Pakistanda iyunun 14-dən davam edən musson yağışları nəticəsində həyatını itirənlərin sayı 1697-yə çatıb.

KONKRET.az xarici mediaya istinadən xəbər verir ki, bu barədə Pakistan Milli Fəlakətləri İdarəetmə Agentliyi (NDMA) məlumat yayıb.

Bildirilib ki, həyatını itirənlərin 631-i uşaq, 340-ı qadındır. 12 867 nəfər isə yaralanıb.

Yağışlar nəticəsində iki milyondan çox evə ziyan dəyib, 1 163 000-dən çox təsərrüfat heyvanı tələf olub.

Qeyd edək ki, daşqın nəticəsində 13 097 kilometr yol və 440 körpü dağılıb, ölkədə 33,4 milyon insan təbii fəlakətdən zərər çəkib.