Rusiya Prezidenti Vladimir Putin Şanxay Əməkdaşlıq Təşkilatının (ŞƏT) sammitində iştirak etmək üçün Özbəksitanın Səmərqənd şəhərinə gedib.

KONKRET.az xarici mediaya istinadən xəbər verir ki, sammit sentyabrın 15-16-da baş tutacaq və burada 15 ölkənin lideri iştirak edəcək.

Bildirilib ki, sammit Özbəkistan Prezidenti Şavkat Mirziyoyevin qeyri-rəsmi şam yeməyi ilə başlayacaq. Rusiya Prezidentinin Çin Sədri Si Cinpinlə görüşündən sonra Rusiya-Çin-Monqolustan üçtərəfli görüşü baş tutacaq.

Qeyd edək ki, sammit çərçivəsində Rusiya Prezidentinin Türkmənistan, İran, Qırğızıstan, Hindistan, Azərbaycan, Çin və Pakistan liderləri ilə görüşü nəzərdə tutulub.

İqbal Rzayev,

KONKRET.az