ABŞ Dövlət Departamenti Rusiyada dünən başa çatan seçki hadisəsinə münasibət bildirib.

KONKRET.az xəbər verir ki, Dövlət Departamentinin mətbuat katibinin birinci müavini Vedant Patel Rusiyadakı seçkiləri belə təsvir edib:

“Bu, inanılmaz dərəcədə qeyri-demokratik proses idi”.

“Amerika Birləşmiş Ştatlarından Putinə təbrik zənglərinin olmayacağını əminliklə söyləmək olar”, – Patel bildirib.

Qərb hökumətləri Rusiyada keçirilən prezident seçkisini ədalətsiz və qeyri-demokratik adlandırıb. Hindistan, Çin və Şimali Koreya Kreml liderini hakimiyyətinin daha 6 il uzadılması münasibətilə təbrik ediblər.

Vladmir Putin 87 faiz səs toplamaqla yenidən Rusiya prezidenti seçilib.