Türkiyənin “Qalatasaray” klubu heyətini yeni futbolçu ilə gücləndirməyə hazırlaşır.

KONKRET.az  “Foot Mercato”ya istinadən xəbər verir ki, İstanbul təmsilçisi Fransa PSJ-sinin yarımmüdafiəçisi İddrissa Qeyeni sıralarına qatmaq niyyətindədir.

“Cim-bom” rəhbərliyi artıq PSJ ilə danışıqlara başlayıb. 32 yaşlı seneqallı futbolçu özü də hazırkı komandasından ayrılmaq niyyətindədir.

Qeye 2019-cu ildən Paris təmsilçisinin uğurları üçün çalışır.