Ermənistanın Ombudsmanı istefa verib.

KONKRET.az xəbər verir ki, bu barədə İnsan Hüquqları Müdafiəçisinin ofisinin yaydığı bəyanatda deyilir. Bildirilir ki, Ermənistanın Ombudsmanı Kristine Qriqoryan istefa ərizəsini parlamentə təqdim edib.

“Ermənistanın Ombudsmanı Kristine Qriqoryan mövcud qanunvericiliyə uyğun olaraq yanvarın 23-də iş yeri dəyişikliyi ilə əlaqədar istefa ərizəsini parlamentə təqdim edib.

Qanuna görə, bu halda Ombudsmanın səlahiyyətlərinə sonuncu şəxs istefa ərizəsi təqdim etdikdən sonra, bir həftə müddətində xitam verilir”, – bəyanatda deyilir.

Qriqoryan mövzu ilə bağlı hər hansı şərhdən çəkinib.

Xuraman Etibarlı,

KONKRET.az