Qarabağda ermənilərin qoyub qaçdığı evlərdə soyğunçular peyda olub – Sakinlər qətlə yetirilirbackend

Qarabağda ermənilərin qoyub qaçdığı evlərdə soyğunçular peyda olub - Sakinlər qətlə yetirilir

Dağlıq Qarabağda yerli əhalinin, eyni zamanda hərbi qarnizon personalının ailələrinin Ermənistan ərazisinə kütləvi təxliyəsi davam edir.

KONKRET.az xəbər verir ki, ermənilər əşyalarını, əmlaklarını, evlərini, mal-qarasını ataraq qaçırlar.

Armiya.az xəbər verir ki, evlərini tərk edərək qaçan Qarabağ ermənilərinin və erməni hərbçilərinin ailələrinin, xüsusən Xankəndi və Ağdərədəki evləri heç də uzun müddət boş qalmayıb, tezliklə orada Eçmiədzindən olan soyğunçular peyda olub.

Sosial şəbəkələrin erməni seqmentində yayımlanan məlumatlara görə, təpədən dırnağa qədər silahlanmış soyğunçular, orada qalmış az sayda sakinlərə özlərini “Ermənistandan olan xilaskarlar” yaxud “Livan erməniləri” kimi  təqdim edərək evlərə girib əşyaları oğurlayır və qaçırdıqları yük maşınlarına yükləyirlər.

Onlar əmlakın qarət edilməsi məqsədi ilə yerli sakinləri qətlə yetirməkdən də çəkinmirlər.

Qarabağı tərk edərkən sözügedən qarətçilərlə erməni hərbçiləri arasında silahlı qarşıdurma da baş verib.

Silahlı toqquşma nəticəsində bir neçə soyğunçu yaralanıb, öldürülənlər var.

Öldürülənlərin şəxsiyyətlərini müəyyən edərkən maraqlı faktlar ortaya çıxıb. Məlum olub ki, bu şəxslər keçmiş başçıları Manvel Qriqoryana sadiq qalan, Eçmiədzində fəaliyyət göstərən “Yerkrapa” adlanan qruplaşmasının keçmiş və hazırkı üzvləridir. Bildiyimiz kimi, bu qruplaşmanın üzvləri Birinci Qarabağ müharibəsi dövründə və ondan sonra da talançılıqla məşğul olublar.

Dindirilmə zamanı sağ qalan soyğunçular Manvel Qrigoryan və oğlu, Eçmiədzinin keçmiş meri Karen Qriqoryanın əmri ilə Qarabağa gəldiklərini etiraf ediblər.

Bəzi məlumatlara görə, sürətlə boşaldılan Qarabağda Ermənistandan gəlmiş və Ermənistan Müdafiə Nazirliyinin yüksək rütbəli generallarına tabe olan bir neçə soyğunçu dəstə fəaliyyət göstərir.oxu.az

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*