Vaşinqton Müharibənin Öyrənilməsi İnstitutu (ISW) Ukraynadakı silahlı münaqişənin təhlilini dərc edib.

KONKRET.az xarici mediaya istinadən xəbər verir ki, amerikalı ekspertlər öz araşdırmalarında Ukrayna qoşunlarının payızda mümkün əks-hücumunun qarşısını almaq üçün rus qoşunlarının və hərbi texnikasının Xersonun şimal-şərq hissəsinə və Zaporojye vilayətlərinin qərb hissəsinə köçürülməsini qeyd ediblər.

Məlumatda həmçinin bildirilir ki, Ukrayna ordusu Donbasda İzyum və Slavyansk yaşayış məntəqələrinə əks-hücumlar edib və bu, Ukrayna tərəfinə Rusiyanın Slavyansk və Kramatorsk istiqamətində hücumunun qarşısını almağa imkan verir.

Ekspertlərin fikrincə, Ukraynanın aktiv hərəkətləri, eləcə də ABŞ və digər NATO-ya üzv ölkələrin hərbi dəstəyi Ukraynaya ilk dəfə olaraq müharibənin gedişatını aktiv şəkildə formalaşdırmağa başlamağa imkan verir.

Natiq Səlim,

KONKRET.az