Rusiya Qazaxıstan vətəndaşlarının quru yolu ilə ölkəyə girişinə qoyulan məhdudiyyətləri aradan qaldırıb.
KONKRET.az-ın Mərkəzi Asiya ölkələri üzrə bürosu xəbər verir ki, Rusiya hakimiyyəti martın 30-dan etibarən Qazaxıstan və Monqolustanla sərhədlərin quru hissələrindən keçməklə hərəkətə qoyulan məhdudiyyətlərin aradan qaldırıldığını elan edib. Bu barədə Rusiya Federasiyası hökumətinin saytı COVID-19 ilə mübarizə üzrə operativ qərargahına istinadən məlumat yayıb.
“Yeni koronavirus infeksiyasının ölkəyə gətirilməsi və yayılmasının qarşısının alınması üzrə operativ qərargah 30 mart 2022-ci il tarixində Moskva vaxtı ilə saat 00:00-dan etibarən Qazaxıstan vətəndaşlarının Rusiyaya girişinə və Rusiya vətəndaşlarının ölkəyə çıxışına qoyulan məhdudiyyətləri aradan qaldırmaq barədə qərar qəbul edib. Rusiya-Qazaxıstan sərhədinin quru hissəsi ilə Qazaxıstan, habelə xarici vətəndaşlar və vətəndaşlığı olmayan şəxslər Rusiyaya, Rusiya vətəndaşları isə Rusiya-Monqolustan sərhədinin quru hissəsi ilə Monqolustana keçə bilərlər”, – məlumatda deyilir.