KONKRET.az “Transparency İnternational – Russia” şirkətinin “Bəyannaməçi” (Deklarator) layihəsinin veb saytına istinadən xəbər verir ki, Rusiya rəsmiləri bəyannamələrdə 75 ölkədə 6007 daşınmaz əmlak – əksər hallarda Qazaxıstan (688), Ermənistan (624), Belarus (573), Tacikistan (559) və Bolqarıstanda (537) göstəriblər.

“Bəyannaməçi“nin yaradıcıları hesab edirlər ki, postsovet ölkələrinin reytinqdə liderlik etməsi rus ordusunun bu ölkələrdə qulluq edən hərbçilərinin əmlakları ilə bağlıdır. Belə ki, Qırğızıstandakı Manas aviabazası, Ermənistandakı Gümrü aviabazası, Qazaxıstandakı Sarı-Şan təlim poliqonu, Tacikistandakı 201-ci hərbi baza rus ordusunun bu ölkələrdə dislikoasiya nöqtələridir.