Şəmkir şəhər Cahangir Rüstəmov küçəsində yerləşən bir neçə avtomobil sexində yanğın qeydə alınıb.

KONKRET.az xəbər verir ki, nəticədə sexlərdə olan 5 avtomobil və avadanlıqlar tamamilə yanıb.

Hadisə yerinə Fövqəladə Hallar Nazirliyinin Şəmkir rayon Yanğından Mühafizə Hissəsinin yanğınsöndürən briqadası və 4 maşını cəlb olunub. Hazırda yanğın söndürülüb.

Hadisə zamanı xəsarət alanın olmadığı bildirilir.

Faktla bağlı araşdırma aparılır.