Moskva vilayətində raket təhlükəsi elan olunub.

KONKRET.az xəbər verir ki, sakinlərə dərhal qapalı məkanlara keçmələri və ya yaxınlıqdakı dayanacaqlarda sığınacaq tapmaları tövsiyə edilib.

“Moskva vilayətində raket təhlükəsi elan edilib. Evdə qalın, pəncərələrdən uzaq durun və ya sığınacaq axtarın. Çöldə və ya nəqliyyat vasitəsindəsinizsə, yeraltı keçiddə və ya dayanacaqda sığının. Mobil internet xidməti kəsilə bilər. PUA-ların və hava hücumundan müdafiə sistemlərinin fəaliyyətini çəkmək qadağandır. Ayıq və ehtiyatlı olun”, – deyə Fövqəladə Halların Xəbərdarlığı üzrə Vahid Dövlət Sisteminin əhaliyə göndərdiyi bildirişdə qeyd olunub.

Rusiya teleqram kanalları Moskvadakı Kapotnya Neft Emalı zavodunda yanğın baş verməsi barədə məlumat yayıb. Lakin Rusiya FHN internetdə paytaxtın neft emalı zavodunda fövqəladə vəziyyətlə bağlı yayılan məlumatları təkzib edib. Bildirilib ki, Moskva neft emalı zavodunun ərazisində heç bir insident qeydə alınmayıb.