Şəmkir rayonunda ağır yol-nəqliyyat hadisəsi baş verib.
KONKRET.az xəbər verir ki, rayonun Seyfəli kəndində “Mercedes” markalı avtomobil idarəetmədən çıxaraq yol kənarındakı obyektə çırpılıb.
Qəza nəticəsində Seyfəli kənd sakini, 1986-cı il təvəllüdlü Nəzarət Əliyev və həmkəndlisi, 1997-ci il təvəllüdlü Elmar Mustafayev ağır xəsarət alıb.
Yaralıların hər ikisi xəstəxanaya çatıdırılısa da, N.Əliyev dünyasını dəyişib. E.Mustafayevin vəziyyəti isə ağır olaraq qalır.
Faktla bağlı araşdırmalara başlanılıb.