“Talassemiya xəstələrinə COVID-19 aleyhinə vaksin vurulmasının heç bir əks-göstərişi yoxdur”.

KONKRET.az xəbər verir ki, bunu Milli Hematologiya və Transfuziologiya Mərkəzinin icraçı direktoru Valeh Hüseynov bildirib.

V.Hüseynov qeyd edib ki, onlar da adi vətəndaşlar kimi yaşayış yerlərindəki poliklinikalarda qeydiyyatdan keçərək, peyvənd oluna bilərlər:

“Biz pasiyentlərimizin müayinəsindən sonra onların vaksin olnub-olunmaması barədə arayış da verə bilirik. Çünki pasiyentlərimizin bəzilərində həmin dövrdə infeksiyalar, ciddi allergiya ola bilər. Biz bu halda vəziyyəti stabilləşdirdikdən sonra vaksini məsləhət görürürk”.