Xaçmazda piyadanın vurulması ilə nəticələnin yol-nəqliyyat hadisəsi baş verib. KONKRET.az–ın bölgə müxbiri xəbər verir ki, hadisə Gəndov-Yalama yolunun Xaçmaz şəhəri ərazisindən keçən hissəsində baş verib. “Ariz” Şadlıq sarayına toya gələn Xaçmaz rayon sakini 1964-cü il təvəllüdlü Novruzəliyev Nurəddin Abdulbağır oğlu naməlum nəqliyyat vasitəsi tərəfindən vurulub. Yaralı dərhal Xaçmaz Mərkəzi Rayon Xəstəxanasına çatdırılıb. Vəziyyəti kafidir. Faktla əlaqədar Xaçmaz RPŞ-də araşdırmalar aparılır.

Cəlal FƏRZƏLİYEV