Hollandiyanın müdafiə naziri Kaysa Ollonqren bildirib ki, ölkəsi  Fransa və Böyük Britaniya ilə birlikdə Qəzza zolağına humanitar yardım daşıyan gəmi göndərmək niyyətindədir.

KONKRET.az xəbər verir ki, bu barədə Financial Times məlumat verib.

KİV-in məlumatına görə, bu təşəbbüs Fransa və Hollandiya liderləri Emmanuel Makron və Mark Ruttenin İsrailə səfəri zamanı müzakirə edilib  .

“Dəniz, əlbəttə ki, imkanlardan biridir. Biz bilirik ki, fransızlar artıq öz gəmilərini tibbi yardımla göndəriblər”, – mesajda deyilir.

Bundan əvvəl İsrail Müdafiə Qüvvələrinin sözçüsü Daniel Hagari bildirib ki, Misir və ABŞ Qəzza zolağına humanitar yardımı genişləndirəcək.