Cümə günü Yaponiyanın ən böyük bankı “Mitsubishi UFJ”nin işində uğursuzluq baş verib.

KONKRET.az marja-ya istinadən xəbər verir ki, bu barədə NHK telekanalı məlumat yayıb.

Mitsubishi UFJ-dən verilən məlumata görə, nasazlıq səbəbindən bankomat və ya mobil bank vasitəsilə pul köçürməsi etmək mümkün deyil. Hazırda bankın mütəxəssisləri nasazlığın səbəblərini öyrənməyə və nasazlığı aradan qaldırmağa çalışır.

Bu il Yaponiyanın üçüncü ən böyük bankı olan “Mizuho”da ən azı səkkiz dəfə fasilələr olub və bu, bankomatlar vasitəsilə pul çıxarmağı mümkünsüz edib. Bununla əlaqədar olaraq, “Mizuho Financial Group” bank qrupunun rəhbərliyi yaxın vaxtlarda istefaya getdiyini elan etməlidir.