Ukrayna Silahlı Qüvvələrinin yeni təyin olunmuş Ali Baş Komandanı Aleksandr Sırski 2024-cü il üçün Ukrayna Silahlı Qüvvələrinin müfəssəl fəaliyyət planını təqdim etməlidir.

KONKRET.az xəbər verir ki, bu barədə prezident Vladimir Zelenski çıxışı zamanı bildirib.

Zelenski bu gün Sırskini Ukrayna Silahlı Qüvvələrinin Ali Baş Komandanı vəzifəsinə təyin edib. Prezident yeni hərbi rəhbərlikdən nə gözlədiyini dərhal açıqlayıb.

Xüsusilə, Sırski Ukrayna Silahlı Qüvvələrinin 2024-cü il üçün real, müfəssəl fəaliyyət planını təqdim etməlidir ki, bu planda döyüş meydanında indi və gələcək real vəziyyət nəzərə alınmalıdır.

Bundan əlavə, hər bir birinci sıra döyüş briqadası effektiv Qərb silahları almalıdır. Zelenski hesab edir ki, bu cür silahlar ədalətli şəkildə birinci cəbhə xəttinin xeyrinə yenidən bölüşdürülməlidir.

Prezidentin fikrincə, yeni rəhbərlik qərargahdakı həddindən artıq və əsassız rəqəmləri düzəltməlidir. Həm də orduda effektiv rotasiya sistemi üzərində düşünməlidir.

“Əsgərlərin hazırlıq keyfiyyətinin açıq şəkildə yaxşılaşdırılmasına ehtiyacımız var”, – deyə Zelenski əlavə edib.

Burhan,

KONKRET.az