Zəngilan rayonunun Ağalı kəndində son bir ildə görülən işləri əks etdirən videoçarx hazırlanıb.

KONKRET.az xəbər verir ki, kadrları Azərbaycan Jurnalistlər Şəbəkəsi İctimai Birliyinin yaradıcı qrupu lentə alıb.

Belə ki, görüntülərdə həm 2021-ci il yanvarın 25-də, həm də 2022-ci ilin yanvarın 25-də kənddə çəkilən kadrlar öz əksini tapıb. Belə ki, videoçarxda bir il ərzində ərazidə həyata keçirilən quruculuq işləri nümayiş olunub.

İşğal zamanı dağıdılan və yerlə bir edilən evlərin yerində müasir yaşayış evləri və ictimai obyektlər tikilib. Həmçinin kənd sakinlərinin tezliklə doğma yurdlarına köçə bilməsi üçün zəruri infrastruktur tamamilə yenidən qurulub və hazır vəziyyətə gətirilib.